Ensenhament

RÀDIO E OCCITAN
AMB LOS COLLEGIANS DE SENT SEREN

RADIÒC / Dimècres 4 de febrièr de 2009

 

Generic general de l'emission : Mauresca Fracàs Dub (instrumental).

1- Lo bonjorn e lo somari.

Sylvie, Andréa e Céline

Totes ensemble : bonjorn tot lo mond !

Andréa : planvengut sus Decibel FM dins Radiòc, una emission en lenga d'Òc.

Sylvie : preparada e presentada per tres escolanas qu'aprenon l'occitan al collègi Joan Lurçat de Sent Seren.

Céline : nos apelam Sylvie, Andréa e Céline.

Sylvie : Andréa, qual serà lo somari d'aquel segond numerò de Radiòc ?

Andréa : parlarem del departament d'Òlt e de Sent Seren, del Brasil e de Pernambuco dins aquel país.

Céline : mas pel moment, vos prepausam de començar en musica amb una cançon del grop Occitania titolada Occitania. Quò data de doi mila un.

Musica : Occitania.

2- Lo departament d'Òlt e Sent Seren.

Céline e Sylvie

Céline : e ara, dins l'emission Radiòc sus Decibel FM 105.9 e 106.9, Sylvie e Céline vos van parlar del departament d'Òlt e de Sent Seren.

Sylvie : exactament. Òlt, apelat autres còps, Carcin, es un departament francés que tira son nom de la ribièra Òlt. Son escais « tèrra de las meravilhas » li es donat en rason de sites, bastits o paisatgièrs, excepcionals.

Lo departament d'Òlt fa partida de la region Miègjorn-Pirenèus. Es limitròf dels departaments de Cantal, d'Avairon, de Tarn-e-Garona, d'Òlt e Garona e de Dordonha. Òlt subís doas influéncias climaticas opausadas. Lo Sud del departament a un climat mai temperat e lo Nòrd coneis un climat mai montanhòl. Céline, cal dire tanben que lo departament d'Òlt viu essencialament del torisme.

Céline : e òc, as rason. Altoire, Laubressac, Sent Circ e Carennac son classificats coma los mai polits vilatges de França. Rocamador es lo segond site mai visitat del país apuèi lo Mont Sent Miquèl. Fijac abriga lo musèu Champollion e una reproduccion giganta de la pèira de Roseta, decriptada per aquel enfant del país, un dels fondators de l'egiptologia modèrna. Enfin, a Solhac, podèm notar lo Musèu de l'Automata e de la Robotica. Sylvie, e se parlàvem de Sent Seren ?

Sylvie : bona idèa. Sent Seren es la cinquena mai vila d'Òlt après Caurs, Fijac, Gordon e Solhac. Aquesta vilòta de 3600 abitants se situa a costat de Gramat e de Bertenons e prèp de las tors de Sent Laurenç, del castèl de Montal e del castèl de Castelnau. Sent Seren abriga una escòla de musica : i jògan de violon, de pianò e i a una corala.

Céline : abans de retrobar Andréa e Sylvie que nos presentaràn un grand país Brasil, anem escotar Li cal anar, interpretada per la formacion Coriandre. Es una cançon tirada de lor primièr albóm La Marmita d'Òc.

Musica : Coriandre.

Les élèves d'Occitan du collège Jean Lurçat travaillent sur un projet intitulé Ràdio e Occitan.
(Voir archives décembre 2008)